Cauayan City, Isabela- Ginawaran ng Testimonial Parade and Review si Outgoing Police Regional Office 2 Director PBGen. Crizaldo Nieves ng mga kasapi ng 5th Infantry Star Division Philippine Army sa Gamu, Isabela kamakailan.
Ang programang ito ay bilang pagkilala sa kanyang mahusay na serbisyo bilang pinuno ng hanay ng PNP sa rehiyon dos.
Inihayag naman ni PBGen. Nieves ang kanyang lubos na pasasalamat na natanggap mula sa pamunuan ng kasundaluhan maging sa lahat ng dumalo sa importanteng okasyon.
Para kay Nieves, isa lamang patunay na maganda ang ugnayan ng kapulisan at kasundaluhan sa rehiyon.
Nagpasalamat naman ang heneral sa iba’t ibang ahensya ng gobyerno at organisasyon na sumusuporta sa mga programa ng pulisya sa lambak ng Cagayan.
Si Nieves ay nakatakdang magretiro sa serbisyo sa darating na Hulyo 19, 2021.
