Sa exclusive interview sa DXDC RMN Davao kang Police Executive Master Sargent Ruben Madera, Chief Investigator sa (TEU-DCPO) gibutyag niini, gi-release na sa TEU kagahapon adlawa ang driver sa CTTMO.
Segun ni Madera, gi-abaga na usab sa CTTMO ang galastuhon sa pagpatambal sa lady rider nga giila nga si Khiezyll Chris Canastra, taga Digos City, kinsa padayon karon gitamtabalan sa Southern Philippines Medical Center (SPMC).
Dugang ni Madera, subay sa imbestigasyon nasayran nga pareho ang direksyon sa lady rider sakay sa motorseklo ug mobile patrol gikan sa Tulip drive padulong sa Punta Dumalag, apan miliko kini sa wala ang mobile patrol hinungdan nga nabanggaan sa lady rider.
Subling nagpahimangno ang opisyal sa mga motorista nga tumanon ang balaud sa trapiko ug i-observe ang speed limit nga gipatuman sa syudad, aron malikayan ang disgrasya sa kadalanan.
Kahinumduman nga nag viral sa social media ang lady rider giingong gigukod sa mga traffic enforcer sa CTTMO ug giharangan, apan giklaro ni Dionisio Abude, CTTMO Head, wala harangi ang lady rider kay miliko ang mobile patrol, tungod adunay nakita nga duha ka motorsiklo nga nakaparada sa seawall nga ilang susihon, apan aksidente hinuon nabanggaan ang mobile patrol sa rider.
RadyoMaN Don Pulayao
