TEU-DCPO: Naga-overcharge nga taxi drivers, i-reklamo

Davao City – Subling nagpahimangno si Police Major Dexter Domingo, Traffic Enforcement Unit-Davao City Police Office (TEU-DCPO) Chief sa mga Dabawenyo nga mamahimo nilang i-reklamo kung nabiktima sila sa mga taxi driver nga nag-overcharge sa ilang pasahe.

Sumala ni Domingo, abri ang ilang buhatan alang sa pagdawat sa mga reklamo ug andam mag-imbestiga aron ma-aksyonan ang maong problema.

Dugang ni Domingo, mamahimo usab nga ipadangat ang ilang reklamo sa Land Transportation Office (LTO-Xl) ug Land Transportation Franchising and Regulatory Board (LTFRB-XI).

Giklaro sa opisyal, kung adunay reklamo seguraduhon nga insakto ang detalyi ug dili dayon mag post sa social media o mas maayo ipa-abot sa ilang buhatan.

Kahinumduman, nagviral sa social media og mi-ani og daghan mga reaksyon, ang taxi driver human gireklamo sa iyang pasaherong taga-Marikina City, in response sa FB post ni Senator Ronald ‘Bato’ Dela Rosa, hinungdan nga iyang gipa-imbestigahan sa kapulisan ang maong hitabo.

RadyoMaN Don Pulayao