Davao City – Gibarugan sa Davao City Police Office (DCPO) Traffic Enforcement Unit nga patas ang ilahang imbestigasyon sa Buenaflor homicide case diin pulis ang nakabangga patay sa balut vendor nga si Lucio Buenaflor sa Davao City Coastal Road.
Gibutyag ni Police Major Dexter Domingo, DCPO TEU chief atol Straight to the Point program, nakasuhan na og reckless imprudence resulting to homicide si PCMS Napoleon Dexter Parada Castro ug nagpabilin kini sa ilahang custodial facility sa pagkakaron.
Gikanayon ni Domingo nga wala silay special treatment ug favoristim ngadto sa suspek nga pulis.
Gipaniguro usab ni Domingo nga tanang vehicular accidents nga gihawiran ug giimbestigahan sa ilahang unit partikular na kung adunay namatay sa insidente mapasaka nila sa pisalya ang kaso.
Dili usab sila manghilabot kung adunay mahitabong areglo sa isig ka kampo ug didto nila kini himuon ang settlement sa korte.
RadyoMaN Aimee Guinita
Facebook Comments
