Babaye ang tuyo tabuon, apang lalaki ang nag abot kag gin luthang ang biktima.
Text mate ang rason sang gin kapatay sang gwardya nga gin kilala sa kay Jeovaney Puzon, 33 anyos, kasado kag residente sang Barangay Baje, Leon Iloilo, security guard assigned sa Robinson’s place Iloilo.
Ini ang gin kompirmar ni PCInsp. Marlon Valencia, hepe sang Molo PNP.
Suno sa ila imbestigasyon nga nagpadulong ang gwardya sa Molo agud tabuon ang iya textmate nga Babaye.
Pag abot sang gwardya sa zone 3 Calumpang Molo, nagtext pa ini sa iya talabuon nga ara na sya sa area kag kun pwede magpalapit ukon magpakita sa iya ang babaye apang imbes babaye, lalaki ang nag abot kag wala sang damu nga istorya, gin luthang sang suspek ang biktima nga naigo sa tuo nga portion sang iya lawas.
Nakapangayo pa ang biktima sang bulig kag gin dala sa ospital apang ginbawian gid sang kabuhi.
