TF Davao: 24/7 nga koordinasyon sa ubang security agencies gi-intensify

23

Davao City – Gipalig-on sa Task Force Davao ang networking sa uban pang mga security sectors subay sa gipagulang warning sa Japan Foreign Ministry sa posibleng terror attacks sa Southeast Asia, partikular na sa Pilipinas, Indonesia, Singapore, Malaysia, Thailand ug Myanmar.

Sa interbyu sa RMN Davao kang Col. Darren Comia, Task Force Davao commander, nakigkoordinar sila sa tanang intelligence agencies subay sa padayong pag-validate sa impormasyon nga gipagula sa Japan.


“We are in closed coordination regularly 24/7 with other security forces not only inside Davao City, as well as those outside Davao City,” matud niiini.

Wala gibalewala ug giseryuso sa Task Force Davao ang tanang mga madawat nga mga reports ilabina mahitungod sa seguridad.

Gipalig-on ug gi- intensify sa kasundaluhan ang checkpoint operations ug information gathering aron masigurong walay makalusot nga mga terorista sa dakbayan.

Segun ni Comia nagpabiling generally peaceful ug walay direktang threats ang dakbayan sa Davao.



RadyoMaN Aimee Guinita

Facebook Comments