Davao City – Mas gipahugtan ug gi-istriktohan sa kapulisan ug Task Force Davao (TFD), ang COMELEC checkpoint sa Brgy. Lacson, Sirawan ug Licanan, Davao City, aron walay makasulod nga mga kontrabando sa syudad sa Davao.
Sa interbyu sa DXDC RMN Davao kang Major Ronnel Avanzado, Spokesperson sa Task Force Davao gisulti niya, sukad nagsugod ang COMELEC Checkpoint, adunay 6 ka individual ang naharang sa mga checkpoint ug nakuhaan og mga armas.
Segun ni Avanzado, ang unom gikasohan tungod sa kalapasan sa Republic Act 10591 o Illegal Possession of Firearms and Ammunition ug paglapas sa Gun ban Omnibus Election Code of the Philippines.
Gipasabot sab sa opisyal nga gawas sa gipatuman nga COMELEC checkpoint, lakip sab sa gipahugtan ang pagbantay sa mga Border Control Point sa Davao sa pagsiguro nga walay makasulod nga magdala og armas nga walay mga dokumento.
RadyoMaN Don Pulayao
Facebook Comments
