Davao city –Andam na ang Task Force Davao sa paghatag og seguridad sa gatusan ka mga delegado sa Davao Region Athletic Association (DAVRAA) Meet 2018 dinhi sa siyudad sa Dabaw.
Gibutyag ni TF Davao Deputy Commander Lt. Col. Randolph Cabangbang nga andam na ang ilang mga ginsakpan sa paghatag og seguridad sa tanang delegado nga musalmot sa DAVRAA meet 2018 karong bulana.
Sigun ni Cabangbang, magpakatag sila og ilang sakop sa mobile patrol ug foot patrol sa mga lugar kung asa magpuyo ang mga delegado ug sa mga lugar kung asa himoon ang mga dula.
Matud ni Cabangbang nga ilang tutukan sa hugot nga area security ang napulo ka lugar partikular ang mga tulunghaan kung asa magpuyo ang mga partisipante sa DAVRAA.
Gipaniguro sa opisyal nga luwas ang tanang delegado gikan sa unang adlaw hangtud sa adlaw nga matapos ang DAVRAA 2018.
Nasayran nga magsugod ang pag-abot-abot sa mga delegado karong adlaw’ng Domingo hangtud sa adlaw nga Lunes.
Dugang ni Cabangbang nga nakigpulong na ang Task Force Davao sa ilang counterpart sama sa Davao City Police Office, Public Safety Security Command Center, ug dugang duha ka platoon gikan sa 10th ID ang gi-augment.
Subay niini, gitambagan sa Deputy Commander ang mga delegado sa DAVRAA nga kanunay magdala og ilang mga Identification Cards kun IDs ugali mugawas sa mga quarters isip kabahin sa security protocol.
RadyoMaN Joel Viray
