Davao City – Andam nga ipatuman sa Task Force Davao (TFD) ang mga regulasyon nga iimplementar sa Davao checkpoints ilawom sa Modified Enhanced Community Quarantine (MECQ) sugod karong adlawa Hunyo 5 hangtud Hunyo 20, 2021.
Sa interbyu sa DXDC RMN Davao kang Major Ronnel Legarde, spokesperson sa TFD, gisaysay niini nga ila pang gihulat ang Executive Order (EO) nga ipagawas sa City Government of Davao kabahin sa guidelines o protocols ilawom sa MECQ nga maoy basehan usab sa checkpoint protocols.
Matud ni Legarde, posibleng istrikto gihapong susihon kung importante o essential ang lakaw sa mga tawo ilawom sa mas istriktong quarantine classification.
“Hulaton sa nato kung unsa ang ipapangita napod (nga mga dokumento) kay syempre lahi pod ang percentage sa movement sa kaniadto ug karon,” sulti ni Legarde.
Gipahinumdom sa TF Davao official sa mga tawong mosulod sa syudad nga kinahanglang siguradohong importante ang biyahe ilabi na nga nagkataas ang kaso sa Coronavirus Disease 2019 (COVID-19) sa dakbayan.
RadyoMaN Kirby Manzon
