Davao City- Nakigtagbo ang bag-ong commander sa Task Force Davao sa pipila ka mga deputy mayors sa Davao City aron palig-onon pa ang seguridad sa dakbayan.
Gibutyag ni TFD commander Col. Nolasco Mempin nga gawas sa intensified monitoring nga ilang gihimo karon sa militar gipalig-on sab niini ang ilang koordinasyon partikular ngadto sa mga Muslim leaders aron sa pagpalapad pa sa intelligence monitoring.
“Last week I have already talked to some deputy mayors of Muslim tribes and they also recommended that we need to talk to some ustadz and even ulamas to get their opinion or some sort of consultation with them,” matud ni Mempin.
Nagtoo si Mempin nga ang mga impormasyon gikan sa katawhan dakong tabang nga mapugngan ang mga terrorist attacks ug uban pang hulga sa kalinaw sa syudad.
“We really have to meet all the Muslim brothers so we could establish a good rapport with them and probably they could help us in addressing this terror problem,” dugang sa TF Davao commander.
Wala giubos sa TFD ang ilang alert status ug wala mikumpyansa si Mempin sa posibleng himuong pag-ataki sa Maute human sa pagkatamay sa ilang amahan nga si Cayamora Maute.
Gikatakda usab nga makipagpulong si Mempin sa nagkadaiyang department heads sa syudad.
Segun ni Mempin nga atol sa ilang panagkita ni Mayor Inday Sara Duterte- Carpio niadtong ika-11 nga anibersaryo sa EastMinCom, mihangyo siya nga mag-courtesy call apan gitubag sa mayor sa pag-ingon nga ipadayon lamang ang mandato sa TFD sanglit suportado niini ang zero terror incidence sa syudad ubos sa iyang liderato.
Kasamang Aimee Guinita
