Davao City – Mas gipalig-on sa Task Force Davao ang pagbantay sa Davao City aron walay mahitabong spill over subay sa eid attack sa Tulunan, North Cotabato nga nikalas og usa ka kinabuhi sa usa ka vendor ug unom ang samaran.
Nag-deploy og dugang ihap sa mga sundalo sa mga entry points sa himuong makuting pag-check sa tanang mga musulod nga sakyanan, byahero ug mga kagamitan.
Gani nagmuntar usab og mga armored vehicle sa mga checkpoints aron daling muresponde.
Gibutyag ni Col. Consolito Yecla, Task Force Davao Commander sa interbyu sa RMN Davao, nakigkoordinar sila sa Davao City Overland Transport Terminal (DCOTT) sa paglusad og inspeksyon sa mga bus units ug mga bus companies nga dili itugot nga mag-pick-up og mga pasahero gawas sa mga terminals.
“Immediately after we received the information nga naay eid attack sa Tulunan, North Cotabato, we immediately alerted our troops and conduct thorough inspection especially iyong mga passengers buses nga musulod sa Davao City,” segun niini.
Giawhag ni Yecla ang mga drivers o mga bus companies nga ireport sa mga awtoridad kung aduna may madawat nga mga extortion letters aron ma-address ang maong security threats.
Nangalap usab og dugang mga impormasyon ang TFD sa mga intelligence units gawas sa dakbayan ug nakigalayon sa Philippine Coast Guard sa pagmonitor sa Davao Gulf.
RadyoMaN Aimee Guinita
