Davao City – Gisugyot sa Task Force Davao ngadto kang Davao City Mayor Sara Duterte nga i-mandatory sa entry points ang pagpresenta sa Safe Davao QR Code (DQR).
Sa pakighinabi sa RMN Davao kang Col. Consolito Yecla, commander sa Task Force Davao anaa na sa 98% ang compliance sa katawhan, na-address ang non-essential movement sa mga indibidwal ug mga gasulay og palusot og droga.
Ning bag-uhay lang P4M nga shabu ang naharang sa kasundaluhan sa Sirawan checkpoint.
“Iyong mga may planong hindi maganda kagaya ng magdala ng mga kontrabando na-preempt. We have to consider drug sessions ay isang source din ng community transmission ng COVID-19,” sumala ni Yecla.
Sa rekord sa Task Force Davao anaa sa 77 ka mga indibidwal ang naharang nga adunay dalang droga sa checkpoints ug mokabat sa kapin P14M ang sumada sa mga nasakmit nga mga droga karong tuiga.
Matud ni Yecla nga sa striktong pagbantay ug implementasyon, dakong tabang kini sa pagpugong pa sa pagsaka sa kaso sa coronavirus sa syudad.
RadyoMaN Aimee Guinita
