Giingon ni TF Davao Commander Army Col. Ronald Valdez, wala silay namonitor nga hulga sa terorismo ang syudad karong panahona.
Apan bisan paman niini, wala gihapon magkompiyansa si Valdez kay bisan og hapsay ang dakbayan, mas gipahugtan pa ang seguridad sa tibuok syudad, ilabi na nga duha na lang ka adlaw sugaton na sa mga Dabawenyo ang bag-ong tuig.
Sumala ni Valdez, kabahin sa gipalig-on nga seguridad mao ang istriktong palisiya sa tulo nila ka checkpoints areas, pagpakatag og mga ginsakpan sa mga daghang tawo nga lugar aron bantayan ang mga Dabawenyo nga naa sa mga malls ug mga kalihukan sa Pasko Fiesta 2023.
Hangyo sa Opisyal sa mga Dabawenyo, anaron ang security of culture ug mag-igmat pinaagi sa pagreport kanila ug sa mga awtoridad kung adunay mamatikdang kadudahang lihok sa ubang tawo.
RadyoMaN Joel Viray
