Gipahibalo sa Task Force Bangon Marawi nga walay gitakdang disposal o pagpabuto karong adlawa, sulod sa most affected area sa Marawi City, sa mga na-recover nga unexploded ordnance o mga bomba nga wala mibuto atol sa lima ka bulan nga giyera niadtong tuig 2017.
Sa gipahigayon nga inter-agency meeting kagahapon sa TFBM didto sa Marawi City, giklaro ni Brigader General Romeo Brawner, Jr., commander sa 103rd Infantry Brigade, Philippine Army, nga magpahibalo sila ngadto sa publiko kung adunay ipahigayon nga disposal sa mga bomba sulod sa most affected area.
Una nang gibatikos sa mga residente sa Marawi ang TFBM tungod sa walay insaktong pagpahibalo ngadto sa publiko dihang ilang gi-detonate ang 500 pounder nga bomba niadtong nakalabay’ng bulan nga mitay-og sa mga gambalay bisan nga naa sila sa unaffected area.
Mireklamo ang mga residente tungod kay nakahatag kini og panic ngadto kanila ug mibalik ang ilang gibating kahadlok o trauma sa ilang nasinating giyera niadtong 2017.
Mi-angkon usab og pagsaway ang TFBM tungod kay ang kusog nga boto resulta sa pag-detonate ug dili disposal nga maoy unod sa mga announcement niadtong higayona.
Ang normal nga disposal sa mga UXOs dili makapatay-og sa mga building gawas sa MAA.
Gipasabot ni Engr. Roderick Ybanez nga imbes mag-dispose sila og mga UXOs niadtong higayona sulod sa usa ka dakung building, nakit-an ang 500-pounder nga bomba hinungdan nga gi-detonate nalang usab kini.
