Davao City – Namuntaran na og mga X-ray Baggage Scanner ug Walkthrough Metal Detectors ang tulo ka mga fixed checkpoints sa Davao City.
Niadtong Lunes Mayo 27 na-install sa Task Force Davao ang maong mga kahimanan sa ikatulong checkpoint sa may Lacson, Calinan ning syudad human nga mabutangan na usab ang Lasang ug Sirawan.
Sa interbyu sa RMN Davao kang Task Force Davao Commander Col. Consolito Yecla nga gipaniguro nila nga ma-filter ug maharang na gayod ang tanang mga kontrabando, eksplosibo ug armas pinaagi sa paspas nga pag-detect niini sa tabang sa maong mga ekipo.
Nagkantidad sa P1.85M ang matag X-ray Baggage machines samtang tag-P650,000 kada usa ang Walkthrough metal detectors.
Adunay mga well-trained nga mga personahe sa Task Force Davao nga nagsilbing mga operators niini nga machines.
Mas dali usab niining makita ang mga sulod sa mga bagahe ug mga dagkong karton nga dili na kinahanglang pangablihan.
Karong adlawa i-install usab ang ikaupat nga X-ray Baggage ug dugang usa pa ka walkthrough scanner sa Davao City Overland Transport Terminal.
RadyoMaN Aimee Guinita
