TFD: Davao City walay direktang threat ug pagbantay sa seguridad gitriple subay sa ‘Japan warning’

36

Davao City – Gi-triple sa Task Force Davao ang efforts sa pag-secure sa dakbayan sa Davao.

Sa eksklusibong interbyu sa RMN Davao kang TFD Commander Col. Darren Comia, giseryuso nila ang tanang madawat nga reports ilabina
sa gipagula nga alert sa Japan Foreign Ministry sa posibleng terror attacks sa Southeast Asia, partikular na sa Pilipinas, Indonesia, Singapore, Malaysia, Thailand ug Myanmar.


Padayon pa nilang gina-validate ang maong impormasyon.

Matud ni Col. Comia, walay specific threat nga nadawat ang Davao City apan wala sila nagkumpyansa.

Gipahugtan pa ang seguridad sa syudad sa Davao ug pagbantay sa tanang mga borders.

Nagpabiling anaa sa heightened alert status ang syudad.



Giawhag ni Comia ang publiko nga hugot iobserba ang culture of security nga kung adunay makita nga uspetsoso o kadudahang lihuk sa mga tao ipahibalo ug ireport gilayon kini sa mga awtoridad.

RadyoMaN Aimee Guinita


Facebook Comments