Sa interbyu sa DXDC RMN Davao kang Colonel Darren Comia, Commander sa Task Force Davao, gisaysay niini nga bisan pa man og walay direct threat ang syudad, padayon gihapon ang ginahimong pagbansay sa security forces, sama sa himuong city-wide culture of security o ang bombing simulation exercise karon nga semana.
Giawhag ni Comia, ang Davaoeños nga suportahan ang aktibidad ug dili mag-panic diin kini ginahimo aron nga maandam kanunay ang awtoridad ug katawhan panahon sa dili matagna nga insidente.
“Ito po (SIMEX) ay preparasyon lang. Wala po tayong nakikitang direct threat ngayon. Nagpe-prepare lang po ang inyong joint security forces. Wag po kayong mag-panic. Ito po ay isang exercise lang. Ginagawa po natin ito just to ensure the safety and security of Davao City,” sulti ni Comia.
Gisiguro usab sa TFD Commander nga hugot ang ipatumang seguridad sa dakbayan ilabina gyud sa umaabot nga May 9, 2022 National ug Local Elections.
RadyoMaN Kirby Manzon
