Davao City- Gipahugtan sa Task Force Davao ang seguridad sa syudad human sa pagbusikad nga nahitabo sa terminal sa Isulan, Sultan Kudarat diin upat ang angol sa insidente.
Gibutyag ni Col. Darren Comia, Task Force Davao Commander, gi-intensify nila ang bus boarding operations, checkpoint operations ug visibility patrols sa mga strategic ug convergence areas.
Sumala niini nga hugot gipatuman sa syudad karon nga terminal to terminal ang pagpick-up ug pagsakay sa mga pasahero.
Taliwala sa nahitabong insidente sa Central Mindanao, walay direktang hulga gikan sa mga local terrorist group.
Apan wala magkumpyansa ang mga awtoridad ug padayong ginapahugot ang mga security measures aron masigurong walay makasulod nga mga dautang elemento dinhi sa syudad.
RadyoMan Aimee Guinita
Facebook Comments
