Manila, Philippines – Umani ng paghanga ngayon sa mga netizen ang aktor na si Coco Martin dahil sa birthday message nito sa na si Joey De Leon.
Nabatid kasi na nag-post ng mensahe si Joey sa kaniyang instagram para sa kaniyang ika-72nd birthday at isa mga nagkomento at bumati sa kanya ay si Coco, na isa raw sa natulungan ng veteran comedian-TV host.
Kwento ni Coco, hindi daw niya malilimutan ang nagawa ni Joey para sa kaniya kung saan nakasama daw siya nito sa isang comedy TV show sa TV5 na umere noong 2006 hanggang 2007.
Dahil dito, todo pasalamat si Coco sa pagkakataon na nabigay ni Joey sa kaniya at hanggang ngayon ay hindi niya ito nakakalimutan.
Umaasa rin ang aktor na muli silang magkita ni Joey para personal daw siyang makapagpasalamat.
Nagpasalamat naman si Joey sa mensahe ni Coco at idinagdag nito na proud daw siya sa naabot ngayon ng probinsiyano actor saka sinabing manatili din siyang palaging mapagkumbaba.
