Roxas City, Capiz – May yara sang ginpatigayon nga thanksgiving mass alas 9:30 sang aga nga gin-broadcast via Facebook Live paagi sa Facebook Page sang Immaculate Conception Metropolitan Cathedral – Archdiocese of Capiz. May kaangut ini sa pagdumdom subong nga adlaw sang Mierkules, Abril 15, 2020 sang ika-119 anyos nga founding anniversary sang pagtukod sang civil government sang probinsya sang Capiz.
Madumdoman sang Abril 15, 1901 nagtilipon ang pomuluyo sang Capiz kaupod ang mga membro sang United States Philippine Commission agud nga I paathag ang kaundan sa pag establisar sang provincial government sang Capiz.
Subong man nga adlaw, ginahanduraw ang ika-72 anyos nga death anniversary sang inanak sang Capiz nga amo si President Manuel A. Roxas.
Siya ang nagserbe bilang ikatlo kag pinakaulihi nga presidente sang Commonwealth government halin Mayo 28, 1946 tubtob Hulyo 4, 1946 kag pagkatapos ini siya man ang nangin “first President of the independent Third Philippine Republic” tubtob nga siya ang ginbawian sang kabuhi bangud sa atake sa tagipusuon sang Abril 15, 1948 sa Clark Air Base sa Pampanga.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
