Napilian ang syudad sang Iloilo nga mangin national pilot for the nationwide simultaneous earthquake drill (NSED).
Kasunod ini sang rekumendasyon sang Philippine Institute for Volcanology and Seismology (Phivolcs).
Suno kay Dona Magno, head sang Iloilo City Disaster Risk Reduction and Management Office (CDRRMO) gusto sang Phivolcs nga mapasangkad ang ihibalo sang publiko sa frequency sang pagluntad sang mga dalagko nga mga hitabu.
Masobra isa ka gatos ka tuig na sang nagbilin sang dako nga kahalitan ang linog nga gintawag kay “lady kaykay.”
Paathag ni Magno ini nga mga dalagko nga mga kalamidad may ginatawag nga recurring period gani dapat mahibaluan sang publiko kun ano ang natabu sa nakaligad kag mahandaan ang possible senaryo nga matabu.
Ang ‘lady kaykay’ nagabasko sang 8.2 magnitude nga may epicenter sa Anini-y Antique nga nagguba sang mga structures lakip na ang mga simbahan.
May lima ka mga areas nga mangin sentro sang drill nga ginalakipan sang Sto. Niño Sur nga amo ang coastal barangay sa Arevalo kun sa diin matilawan ang pagbuligay sang academe kag barangay.
Ikaduha amo ang SM city nga matilawan kun paano nila imanage ang ila mga tenants.
Ikatatlo ang Megaworld nga site sang mga international events.
Ang ikaapat amo ang Iloilo Mission Hospital (IMH) kag Ikalima ang Iloilo city hall.
Ginalauman sang CDRRMO nga magadangat sa 8,000 ang magapasakop sa bug-os nga lima ka sites.
Ang mga lugar nga wala naman masakop sa pilot sites, ginaganyat nga magpasakop sa drill. /// via Joel Franco reports
Photo from web
