The Fraternal Order of Eagles, mohatag og tabang sa mga nasunogan sa Macabalan

15

Adunay ihatag nga tabang alang sa mga biktima sa sunog sa Barangay Macabalan ang NMR1 sa The Fraternal Order of Eagles karong adlawng Sabado.

 

Matud ni Eric Daabay ang Regional Secretary sa NMR1- nga gilangkuban sa 22 ka club ang NMR1 ug naghiusa aron matabangan ang biktima sa sunog.


 

Dugang pa ni Daabay nga ubay-ubay nga tabang ang giandam sa grupo, sama sa habol, tualya, kitchen ware ug uban pa nga kinahanglan.

 

Nasayran nga nangita mismo ang grupo og inisyatibo aron nga makatabang sa komunidad ilabi na sa nanginahanglan.

 

Giaghat karon ang tanang miyembro sa The Fraternal Order of Eagles, ug Philippine Eagles nga adunay himoon nga 48th National Assembly 3rd regular session.

 

Matud ni Eric Daabay ang Regional Secretary sa NMR1, nga kini ipahigayon sa Grandcaprice sa Limketkai ning syudad.

 

Nasayran nga kini langkuban sa nagkalain-laing delegado gikan sa National Capital Region, Davao, ug uban pa nga syudad ug munisipalidad nga miyembro sa agila, apil na ang mga miyembro nga gikan sa abroad particular ang gikan sa Rome Italy, ug Taiwan.

 

Kini duha ka adlaw nga aktibidad, nga sugdan pinaagi sa usa ka balaan nga misa sa San Agustine Church, ug motorkada.

Facebook Comments

From Advertisers