Nagpadulong mismo si Bacolod City Mayor Evelio Leonardia kag mga city officials sa nasunog nga Java Pension sa dalan Gonzaga-Locsin kaina sang udto.
Suno sa hepe sang Bacolod Bureau of Fire Protection, Fire Marshal Publio Ploteña nga ang mga biktima amo sanday Christopher Java, tag-iya sang pension house, bata niya nga si Miguel Java, 12 anyos, Ronalyn Dacallo, 44 anyos nga taga syudad sang Bago nga amo man ang yaya ni Miguel, kag ang iloy ni Christopher nga si Magdalena Java.
Lakip man sa casualties amo ang cashier nga si Arnold Filomeno, 54 anyos, residente sang Bago City.
Suno sa BFP, ginabulubanta nagdangat sa kapin P8 million ang kahalitan sang sunog samtang padayon pa nga gina-usisa kun ano ang gintunaan kag sa diin naghalin ang kalayo.
Base sa pagpang-usisa, napatay ang mga biktima bangud sa suffocation.
