Davao City – Nadungagan ang ihap sa mga kaso sa pagpangawat dinhi sa syudad sa Davao sa ulahing semana sa Marso, 25-31, 2019 gikan sa natala sa kapulisan niadtong Marso 18-24, 2019.
Sa gihimong AFP-PNP Presser, gibutyag ni Police Captain Ma. Teresita Gaspan, spokesperson sa Davao City Police Office kun DCPO nga sagad sa mga kaso mao ang qualified theft ug shoplifting sa mga establishemento sa dakbayan diin sa nasangpit nga panahon, adunay natala ang kapulisan nga walo ka mga kaso niini gikan sa upat.
Subay niini, padayon usab ang hugot nga seguridad sa pagbantay batok sa mga mangunguot o mga kawatan ingon man gipahinumduman sa tigpamaba ang publiko nga magbinantayon sa mga gamit ilabi na karong umaabot nga semana santa, sa gawas o sa balay man.
Hinuon giklaro sa DCPO nga hapsay gihapon ang seguridad sa Davao.
“But all in all, peaceful and normal ang Davao City. Manageable man ang security,” segun ni Gaspan.
RadyoMaN Renz Barbarona
