Davao City – Buot ideklara sa Task Force Davao nga Maximum Security Zone ang Aboitiz Power Subsidiary Therma South, Inc. (TSI) nga nahimutang sa Toril ning syudad human sa nahitabong terrostic attack sa Saudi Oilfields.
Sa interbyu sa RMN Davao kang Col Consolito Yecla Commander sa Task Force Davao nga gikonsulta niya ang maong plano ngadto kang Davao Mayor Sara Duterte aron mahatagan og igo pang seguridad ang maong imprastrakturang gatahag og 300 megawatts nga electric power sa Davao ug sa Mindanao.
Nikasa og Simulation Exercise (SIMEX) ang Task Force Davao, kapulisan ug ang Therma South Incorporated Security Management ug ang ilahang mga blue guards sa pagsukod sa ilahang kaandam kontra sa mga sa pagresponde sa posibleng pagataki sa mga local ug foreign terrorists.
Aron masiguro ang suporta sa komunidad ug pag-propagate sa culture og security sa 190 ka mga inbidwal nga gilangkuban sa mga mananagat, bantay dagat, barangay officials ug tanod sa maong lugar nagpahigayon ang military og Anti-terrorism Forum.
RadyoMaN Aimee Guinita
