Davao City – Mas mapadali na ang health screening sa mga checkpoints dinhi sa syudad sa Davao tungod sa mga thermal scanners nga gimuntar aron masigurong luwas sa Coronavirus Disease 2019 (COVID-19) ang mga mosulod ug mogawas sa dakbayan.
Matud ni Davao City Mayor Sara Duterte-Carpio, aduna nay kagamitan niini ang Lasang checkpoint nga nahuman niadtong Domingo (July 19, 2020), Sirawan checkpoint nga nahuman kagahapong adlawa (July 21, 2020) ug Lacson checkpoint nga gikatakdang mahuman sa Sabado (July 25, 2020).
“Gipakusgan pud nato ang atoang health screening nato. For the past two weeks, naa tay gina-construct diha nga facilities para mas mapaspas nato ang health screening dinha sa mga chekpoints nato o Task Force Davao checkpoints,” butyag sa alkalde.
Dugang sa Alkalde, preparasyon usab kini sa mga indibidwal nga posibleng moagi sa ubang airport ug mag land travel padulong sa Davao City aron makalikay sa pamaagi sa syudad sa pagdawat sa mga airplane passengers diin gina-require ang nahisgutan og negative reverse transcription polymerase chain reaction (RT-PCR) test result sulod sa 48-72 ka oras.
RadyoMaN Kirby Manzon
