Gikan sa bisperas sa pasko niadtong adlawng lunes hangtod sa pag abot sa 12 ang takna, walay dagkong panghitabo ang natala sa buhatan sa kapulisan sa matag lungsod nga may kalabutan sa pagsaulog sa pasko.
Kini gumikan sa hugot nga pagpatuman sa seguridad sa kapulisan ning probinsya sa Zamboanga del norte.
Una na niini gimando sa Regional Dir. Nga si PSSUpt Luis Licup nga monitoran gayud ang ilang tag-tagsa ka mga AOR aron dili makahigayon ang mga adunay dili maayong plano, ilabi na gyud ang mga rebeldeng NPA.
Dako usab ang pasalamat sa mga kapulisan ngadto sa katawhan dinhi sa probinsya tungod kay wala nila kawanga ang ilang panawagan aron paghatag ug suporta sa ilang panawagan.
Samtang sa laing bahin Kagahapong adlawa ang sentrong bahin dinhi sa dakbayan sa Dipolog medyo mingaw tungod kay halos mga establisemento ug mga gasoline Station sirado pero aduna gihapon pipila ka mga negosyante ang nangyawat tungod kay taliwala sa kamingaw sa panahon aduna gihapon namaligya.
