Davao City- Padayon pang nagpaalim sa balay-tambalanan ang usa ka ticketing staff sa Philtranco Bus Company kinsa gipusil-kritikal alas 12:46 sa kadlawun kagahapong adlawa, Mayo 22 sa Sobrecarey St. corner Misa Street, Brgy. Poblacion, Tagum City.
Sa report gikan sa Police Regional Office kun PRO XI, giila ang biktima nga si Roesvelt Scott Jupson, 28 anyos ug residente sa Brgy. Lagao, General Santos City.
Subay sa imbestigasyon, samtang sakay ang biktima sa iyang motorsiklo, gipusil kini sa wala mailhing suspek nga dali usab misibat sa wala matinong direksyon human sa insidente.
Ginalantaw karon nga anggulo sa pagpamusil mao ang personal nga dumot apan padayon pang gina-imbestigahan sa kapulisan ang laing motibo sa paghimo sa maong krimen.
RadyoMaN Renz Barbarona
