Dipolog City – Samad tinigbasan sa nagkadaiyang bahin sa lawas ang naangkon sa usa ka ulitawo human gihapsan ug sundang sa kainom niining silingan, bandang alas 8:30 kagabii didto sa Purok Daang-lawas Circle, Brgy. Dicayas ning dakbayan sa Dipolog.
Sa nahipos nga report sa Dipolog PNP ang biktima naila nga si Ronel Pacquaio Patangan, 31 anyos, kinsa gitigbas sa silingan nga si Tomas Supat Jr. alias “Noni” 29 anyos, ulitawo diin ang duha polos mulupyo sa maong dapit.
Subay sa gihimong imbestigasyon ni PO1 Nelvin Mangan, ang imbestigador sa kaso, nasayran nga ang duruha nag-inom pa ug bino sa panimalay ni Supat.
Dangtang oras sa ilang tagay-tagay ang duruha nalasbag sa bino de pataranta nagkaergohanay sa ilang istorya hinungdan nigawas ang biktima paigon unta pauli apan gisundan sa supek nga nagdala’g sa sundang.
Ang biktima naigo sa iyang lawas, nakahimo pagsukol nga maayong pagkabun-og sa dagway sa suspek.
Ang duruha nauwang ra sa mga silingan nga polos gidala sa Zamboanga del Norte Medical Center diin karon gitambalan.
