Tight security sa Padre Pio heart relic ipatuman

65

Davao City – Magpatuman og hugot nga seguridad ang kapulisan atol sa pag abot sa heart relic ni Saint Pio of Pietrelcina karong Oktubre 14 hangtod 18.

Sumala ni Davao City Police Office (DCPO) Spokesperson Police Senior Inspector Ma. Teresita Gaspan, mudagsa ang daghang mga deboto sa maong santo gani tulo ka layer sa seguridad ilang gi-andam.

“We are always prepared naman more than standard security plan for that kada naay activities gina himo diri sa atong siyudad,” segun niini.

Gitataw ni Gaspan, ang inner layer security maoy mag manage sulod sa San Pedro Cathedral kung asa ibutang ang relic ingon man usab bantayan ang mga deboto samtang ang middle security maoy responsible sa traffic aron malikay sa road congestion ug ang outer layer security maoy maglusad og random checkpoints.

Matud ni Gaspan, posibleng gamiton sa leftists ang higayon maong dili mag kumpiyansa ang sakop sa kapulisan busa naka andam na sila, labawna sa standard security plan.

Subay niini, sarado ang dalang C.M. Recto corner San Pedro ug Bolton paingon San Pedro aron mahatagan og dakong lugar ang mga deboto nga buot mosaksi sa milagrosong relic ni St. Padre Pio.

RadyoMaN Jason Amisola

Facebook Comments