Calaboso el un tigilero despues conele ya cuji tan tigil na banios del bisinos na Kasanyangan.
Con el suspechao ya conose como si Almujahid Saliham, 24 anios de edad del mecionao lugar.
Na report ta aparese ta banya el un moher na banios del diila casa alas 9 del noche de Martes cuando ya nota le tiene quien ta escucha conele.
Ya precura el moher observa hasta ya puede le mira con Saliham tan video conele desde na aguhero del din-din del banios.
Porcausa con este ya reporta el victima na estacion del pulis hasta ya puede aresta el maga pulis con el suspechao durante el follow-up operation.
Pero asegun ya puede ya man delete o ya borra ya con el video clip si Saliham.
Maga pulis esperanzao ay planta el propio caso con Saliham na corte.
Facebook Comments
