Ang operatiba sa Godod MPS nagpahigayon ug manhunt operation batok sa illegal nga sugal didto sa Brgy. Miampic, lungsod sa Godod.
Sa maong operasyon miresulta kini sa pagka sikop sa tigpasi-ugda sa illegal nga sugal nga si Estrella Malayo Magtuba, 53 anyos ug si Corcene Enao Magtuba, 58 anyos pulos molupyo sa sa nahisgutan nga barangay. Lakip nga nasikop ang tigtaya nga si Jonathan Bacsal Harayo, hingkod ang pangidaron, usa ka mag-uuma.
Samtang duha usab ka tigtaya ang nakaikyas sa gihimong operasyon human naka bantay sa mga otoridad. Nakuha ang usa ka Ligot Table, Duha ka bowl, usa ka dice ug mga kwarta sa nagkadaiyang kantidad nga mo balor sa 745.
Ang mga dinakpan anaa na karon sa kustodiya sa Godod MPS aron mapasakaan ug tukmang kaso batok kanila.
