Pareho nga pilason kag gindala sa ospital ang tigulang nga nabungguan sang motorsiko kag ang driver sang motor sa banwa sang Igbaras, Iloilo.
Ginkilala ang nabungguan nga tigulang nga si Bernardo Elbanbuena, 66 anyos sang Rizal St. Barangay 2, Igbaras samtang ang driver sang motorsiklo amo naman si Eric Von Gabayoyo, 21 anyos sang Barangay 4, sang nasambit man nga banwa.
Ginpahayag ni Police Chief Inspector Fernando Punzalan, hepe sang Igbaras PNP nga nagtabuk sa dalan ang biktima agud magpuli sa ila sang ginbungguan ini sang motorsiklo nga ginamaneho ni Gabayoyo.
Nakaagum sang mga bagras sa nawala nga butkon kag nawong ang tigulang samtang si Gabayoyo ang nakaagum sang madamo nga bagras sa iya lawas kag nawong kabangdanan nga pareho ang mga ini nga gindala sa Guimbal District Hospital.
