Patay ang isa ka tigulang matapos mabungguan sang motorsiklo sa banwa sang Tubungan Iloilo mga alas 6:30 kaina sang kasisidmon.
Ginkilala ang biktima nga si Angelita Talibutab, 75 anyos sang Barangay Daga-ay, Tubungan, Iloilo.
Samtang ang suspek nga nakabunggo sa biktima ginkilala nga nga si Jerome Taala, pumuluyo sang barangay Morcillas, Tubungan.
Base sa imbestigasyon sang Tubungan PNP, ginpahayag ni Police Staff Sgt. Hernani Paras nga nagatindug sa higad sang dalan ang nasambit nga tigulang sang mabungguan sang bajaj motorcycle nga ginamaneho sang suspek.
Bangud sini, nakaagum sang pilas sa ulo ang tigulang kag dali-dali nga gindala sa Guimbal District Hospital apang gindeklarar nga dead on arrival sang doctor.
Priso naman sa Tubungan Police Station ang suspek.
