Nadala pa sa Ospital ang biktima nga giilang si Alyas Federick, 60 anyos, minyo, mag-uuma, ug nagpuyo sa samang dapit, apan namatay ra usab subay sa deklerasyon ni Doctor Heubert Alisna hatod sa mga samad tinigbasan nga nahiagoman niini.
Sa imbistigasyon sa Digos City Police Station, kalit lang mibutho ang suspek nga si Alyas Rey, 32 anyos, welder, ug nagpuyo sa maong Barangay, ug wa’y daghang istorya gitigbas og makapila ka higayon ang biktima pasado 10:00 sa gabii.
Daling nakapangayo og tabang sa kapulisan ang misis niini nga si Alyas Cornelia, apan pagresponde sa mga Pulis wa na maapsi ang suspek human kini misibat sa hitaboan.
Nasayran nga bandang 10:38 sa samang gabii, boluntaryong mitahan sa Digos City Police ang suspek nga gi-ubanan sa iyang pamilya, hinoon wa na gibutyag unsay rason sa paghimo sa krimen sa suspek.
Kasong Murder ang gihikay sa kapulisan batok sa maong welder kinsa anaa na karon sa kustodiya sa Digos City Police Station.
RadyoMaN Joel Viray
