Davao City – Patay ang usa ka tigulang human nga naligsan atol sa pagtabok niini sa pedestrian lane sa Zone III, Sta. Cruz, Davao del Sur alas 6:10 sa buntag adlawng Biyernes.
Sa interbyu sa DXDC Davao kang PO3 Ronald Aclao, Traffic Investigator sa Sta. Cruz Municipal Police Station nga gikan og nag-jogging ang 78 anyos nga biktima nga si Sopronio Sidoda nga taga-Apo Beach, Brgy. Zone III Sta Cruz Davao del Sur human kini aksidenteng naligsan sa usa ka Honda Wave nga motor nga gidrayban ni Rolando Wate, 34 anyos, taga Bitaug, Brgy Zone 4, Sta Cruz, Davao del Sur.
Segun ni Aclao halap na ug dili tantong makaklaro na ang senior citizen nga biktima.
Parehong angol atong tungura ang suspek ug ang biktima ug gidala ang duha Davao Del Sur Provincial Hospital sa Digos City.
Apan nakutluan na sa kinabuhi ang biktima sa balay tambalanan.
Balhog ang suspek sa Sta Cruz Municipal Police station ug magatubang og kasong reckless in prudence resulting to homicide.
RadyoMaN Aimee Guinita
