SYUDAD sang Iloilo – Target sang Technical Institute of Iloilo City ukon TIIC Molo campus nga mag-offer sang duha (2) ka tuig nga kurso nga Hospitality Management Technology sa mga qualified nga beneficiaries.
Suno kay Executive Assistant Mathilde Treñas-Octavio dugang ini sa mga kurso nga gina-offer na nga daan sang TIIC nga amo ang Housekeeping, Bread and Pastry, Food and Beverage Service kag Cooking NC II agud madugangan ang mga technical-vocational (tech-voc) courses nga gina-offer sang eskwelahan.
Sa karon ginatun-an na ang ginapropose nga 2-year program nga mangin ladderized agud ang ila graduates makapadayun sa 3rd year sang BS Tourism Management sa Iloilo City Community College.
Nahibaluan nga mataas ang demand sang hospitality courses bangud sang masanyog nga turismo sa syudad sang Iloilo.//via Joel Franco reports
Photo via Iloilo City Government
