ILOILO CITY – Nagdisperse sang 10,000 ka saline resistant tilapia fingerlings kag 4,000 ka crablets ang City Agriculturist’s Office kag City Environment and Natural Resources Office.
Ini nga programa nagatuyo nga mapadamo ang wild stocks sang tilapia kag alimango sa Iloilo river.
Ginbuy-an ang mga stocks sa Zone 4 sang Iloilo river nga nagasakop halin sa Carpenter’s bridge tubtob sa boundary sang Oton.
Suno kay City Agriculturist Romulo Pangantihon ang Zone 4 amo ang productive zone sang isda.
Ang Zone 3 gikan sa Carpenter’s bridge tubtob sa diversion bridge amo ang lugar para sa regulated fishing.
Designated nga sports fishing zone ang zone 2 kag zone nga gikan sa diversion bridge tubtob sa baba sang suba.
Naggikan pa sa Seafdec-aqua Culture Department ang mga tilapia kag crablets.
Ini nga programa kabahin sang fish conservation week celebration sang nagligad nga semana.
