ILOILO – Masubo ang gindangatan sang mag-asawa nga magapasulong kuntani s
aospital agud magpadialysis.
Ini bangod sa aksidente nga nagluntad kaina sang aga sa diin,
nagbunggu-anay ang ambulansya sang San Miguel sa pribado nga salakyan sa
Hibao-an Norte, Mandurriao, pasado alas 4 kaina sang aga.
Base sa inisyal nga imbestigasyon, madasig ang pagpadalagan sang pribado
nga salakyan nga ginamaneho ni Gilbert Saclauso.
Nagbunggo ini sa ambulansya nga nagakarga sa mag-asawa nga Rosalie
Sampani, 54 anyos kag Ramon Sampani, 54 anyos sang San Miguel, Iloilo.
Magapadulong kuntani ang duha sa ospital agud ipa-dialysis si Ramon Sampani.
Sa masubo nga palad, lunsay dead on arrival ang mag-asawa sang gindala sa
ospital.
(pctto)
Facebook Comments
