Manila, Philippines – Naaresto na ng Manila Police District (MPD) sa ikinasang entrapment operation ang isang Facebook poser.
Kinilala ang suspek na si Sofia Marcos, residente ng Sta.Cruz, Maynila.
Ayon sa MPD, modus ng suspek na magpanggap na babae o lalaki para siraan at gawan ng kwento ang kaniyang bibiktimahin hanggang sa mapilitan ang mga ito na magbayad kapalit ng kaniyang pananahimik.
Kabilang sa mga nabiktima ng suspek ay mga pulis, teacher, businessman, doctor, estudyante at iba pa.
Dahil dito, nahaharap ang suspek sa mga kasong extortion, paglabag sa cybercrime law at libel.
Facebook Comments
