Natapos na ang makasaysayang kampanya ng Philippine National Women’s Football Team sa FIFA Women’s World Cup 2023.
Nabigo ang team Filipinas na makausad sa round-of-16 matapos silang talunin ng Norway sa score na 6-0.
Sa pagsisimula ng laro ay mataas pa ang enerhiya at kumpiyansa ng Filipinas kasunod ng pagkapanalo kontra New Zealand pero agad itong nawala matapos maka-goal si Sophie Roman Haug sa unang anim na minuto ng game.
Muling naka-iskor si Roman Haug sa ika-17 minuto at dinagdagan pa nina Caroline Graham Hansen, Alicia Barker, at Guro Reiten.
Dahil sa kanilang panalo, pasok na sa round-of-16 ang Norway kasama ng Switzerland.
Sa kabila ng pagkatalo, buhos naman ang suporta ng mga Pinoy sa team Filipinas maging dito sa bansa.
Facebook Comments
