Negros Occidental – Patay ang isang barangay chairman matapos pagbabarilin sa Isabela, Negros Occidental.
Nakilala ang nasawi na si Roy Pagapang na chairman ng Barangay Libas.
Sa ulat, patungong Barangay Cabcab ang biktima sakay ng kaniyang motorsiklo kasama ang isang tanod ng huminto sila para umihi.
Dito na lumapit ang apat na lalaking naka-bonnet saka tinadtad ng bala ang barangay chairman.
Hindi naman sinaktan ng mga suspek ang tanod pero kinuha ang cellphone nito kung saan tinangay din nila ang wallet at cellphone ni Pagapang.
Patuloy naman ang imbestigasyon ng mga otoridad para matukoy ang pagkakakilanlan ng mga suspek.
Facebook Comments
