Nueva Vizcaya – Natangay ng mga magnanakaw ang nasa P300,000 na koleksiyon sa isang kooperatiba sa Dupax Del Sur, Nueva Vizcaya.
Partikular na ninakawan ang St. Vincent Ferrer Multi-Purpose Cooperative kung saan patuloy na hinahanap ng mga pulis ang hindi nakilalang mga suspek.
Sa imbestigasyon, umakyat ang mga suspek sa rooftop ng isang kumbento ng simbahan at kanilang binutasan ang bubungan ng kooperatiba na nasa tabi lamang nito.
Nakita naman sa kuha ng CCTV camera ang pagnanakaw ng tatlong suspek na pawang nakasuot ng bonet.
Facebook Comments
