Manila, Philippines – Sinibak sa pwesto ni Quezon City Police District (QCPD) Director Joselito Esquivel ang Presinct Commander at tatlong pulis na umaresto sa namatay na bilanggong si Genesis Argoncillo, alyas ‘Tisoy’.
Si Argoncillo ay inaresto dahil sa paglabag umano nito sa local ordinance at namatay sa loob ng kulungan.
Pansamantalang inilipat sa district headquarters support unit sa Kamp Karingal sina PCP-3 Commander Cyrill Dagusen, PO1 Roel Tubat, PO1 Paolo Lopez Jr., PO1 Paul Hector Calderon.
Una nang tinanggal sa pwesto ang commander ng Novaliches Police na si Supt. Carlito Grehaldo at apat pang pulis.
Sumasailalim na sa Administrative Investigation ang mga ni-relieve na pulis.
Facebook Comments
