UAAP – Itinanggi ni Barangay Ginebra head coach Tim Cone na may alok na trabaho para sa kanya ang De La Salle University matapos lumabas ang balitang iiwan na ito ni head coach Aldin Ayo para pamunuan ang team ng University of Santo Tomas.
Sinasabing balak ipalit ng La Salle kay Ayo si Richard Del Rosario, assistant coach ni Cone sa Ginebra habang si Cone ay magiging consultant.
Wala pang opisyal na kumpirmasyon mula sa La Salle kung may lipatan ngang magaganap kung saan ayaw rin ni Ayo magsalita tungkol sa isyu.
Iginiit naman ni Cone na inimbita lang siya minsan ng Green Archers bilang motivational speaker bago mag-umpisa ang UAAP ngayong taon.
Facebook Comments
