Aurora, Zamboanga del Sur– Mobalor sa Kinse mil ka pesos (15000.00 Php) apil na ang usa ka unit sa tablet og duha ka unit sa Cellphone ang nadala sa wala mailang mga tulisan human kini nanulis dihang dapita sa B. Ceniza Store Baranggay Poblacion, Aurora, Zamboanga del Sur og gipanag-iyahan kini ni Lolita Tiu sa may alas 03:00 sa hapon kagahapon.
Dali gilayong miresponde ang mga elemento sa kapulisan sa Aurora MPS og base sa Inisyal nga imbistigasyon nasayran nga samtang anaa sa cashier booth ang mga biktima nga sila si Mary Jane Baloyos, 33 anyos usa ka cashier, residente sa Purok Sampaguita, Baranggay Mahayahay og usa ka Jocelyn Mejaris, 47 anyos, usa ka saleslady og residente kini sa Purok, Maharlika, Baranggay Romarate, Aurora Zamboanga del Sur ang kalit lang nga adunay duha ka wala mailhe nga lalaki nga nagsout og mask og Jacket ang misulod sa nasangpit nga tindahan og mideklarang “Hold-Up”.
Giti-unan og armas sa suspek ang mga biktima dungan sa pag-abre niini sa drawer og gikuha ang kwarta sa nasangpit nga tindahan apil na ang tablet og cellphone sa mga biktima. Samtang sa laing bahin giti-unan usab sa usa pa ka suspek og armas ang salesboy sa nasangpit nga tindahan nga si Jemel Carrollo, 25 anyos, og residente sa Sta. Maria , Poblacion, Aurora ZDS.
Human sa maong pagpanulis dali nga miikyas ang mga suspek sakay sa usa ka motorsiklo color itom sa wala masayre nga direksyon og sa pagkakarun kasamtangang nagpahigayon og Hot Pursuit operation ang Aurora MPS aang sa pag-ila sa mga suspek.
Tags; Mel Coronel, RMN DXPR Pagadian 603, Kenneth Alvin Bustamante
