Pormal na nga gibuksan karong adlawa ang tindahan ni nanay juliet pogay. Human kini siya natagan ug puhonan pinaagi sa iyang pagpangayo ug tabang sa RMN-DXIC.
Kagahapong adlawa gi-turn over kaniya ang mga assorted nga baligya alang sa iyang tindahan ug karong adlawa gibutangan kini ug signage.
Gidawat usab ni nanay juliet ang dugang tabang ngadto kaniya nga singko mil pesos nga cash isip dugang sa iyang puhonan.
Emosyonal nga mipaabot sa iyang pasalamat si nanay juliet ngadto sa Maria Cristina Eagles Club pinaagi sa ilang Presidente nga si Eagle Alvin Tan ug NMR2 Governor Elvin Marata.
Lakip sa iyang gipasalamat sila si IBP President Atty. Manny Salibay ug Eng. Teod Gayo.
Dugang nga gipasalamatan ni nanay juliet si DXIC Station Manager Ramil Emborong nga maoy nahimong tulay aron mahatagan ug katumanan ang iyang gipangayo nga makabalik ang iyang panginabuhi.
