Davao City- Gisulod sa wala mailhing kawatan ang usa ka tindahan ala 1:50 sa kaadlawon sa F. Torres st. ning siyudad sa Davao.
Sa report sa San Pedro PNP, personal nga nagpatala ang tag-iya sa tindahan nga naila sa pangalan nga si Constancio Italio Jr., 32 anyos ug nagpuyo sa nahisgutang lugar.
Matud pa wala kabantay si Italio nga kalit gisulod ang iyang tindahan sa wala mailhing suspek ug malampuson nakawat ang salapi nga mukantidad sa 3,000 pesos nga halin sa iyang baligya, usa ka Samsung key pad ELoader mukantidad og 2,000 pesos, Bluetooth speaker ug laing usa pa ka Samsung J7 nga mukantidad sa 10,000.00 pesos nga gipanag-iyahan sa usa ka alyas Cloyd.
Sa kinatibuk-an, moabot sa 16,000 nga kantidad sa kwarta ug gamit ang nasakmit sa kawatan.
Igo nalang sa pagpatala ang biktima ug buot niya ipasuta sa CCTV sa lugar aron maila ang suspetsado sa maong insidente.
RadyoMaN Don Pulayao
