Tindahan sa New Iloilo Tantangan, South Cotabato, ginhold-up.

35

Ginhold-up ang isa ka tindahan sa Purok Mahirup, Brgy. New Ilo-ilo, Tantangan, South Cotabato, alas 7:30 kagab-i, Hulyo 27, 2021.
Ang nasambit nga tindahan ang ginapanag-iyahan ni Albert Carugda Macahilo, 47-anyos, negosyante kag residente sang nasambit nga lugar.
Base sa imbestigasyon sang Tantangan MPS, samtang nagatindog sa atubang sang iya nga tindahan si Albert sang lima ka wala nakilal-an nga mga kalalakihan kag isa ka babaye ang nag-abot kag tatlo sa mga ini ang nagpakuno-kuno nga kustomer nga magbakal sang sigarilo, tsinelas kag motorcycle parts, samtang iban nga suspek ang nagserbi nga look -out.
Apang, isa sa suspek ang nagdeklarar sang hold-up kag ang iban nga suspek nga armado sang short firearm ang nagtutok sa tag-iya sang tindahan, asawa , mga empleyado sini kag mga nagatambay sa nasambit nga lugar.
Ginbulakwit sang mga suspek ang P10, 000.00 kag mga cellphones.
Gilayon naman nga nagpalagyo ang mga suspek padulong sa Bgry. Cabuling, Tantangan kag Lutayan, Sultan Kudarat nga suno sa mga testigo sakay sa tatlo ka mga motorsiklo nga amo ang raider 150, Kawasaki Bajaj CT 100 kag Honda XRM.

Facebook Comments