Polomolok South Cotabato- Gisulod sa unom ka wa pa nailhing mga kawatan ang sari- sari store sa may Purok Pag-asa, Barangay Silway-8, Polomolok, South Cotabato bandang alas 8:00 niadtong milabay nga gabii.
Sumala kay Sheryl Lumba Salo, 40 anyos, minyo ug residente sa nasampit nga lugar nga gisulod ang iyahang tindahan sa 6 ka mga armadong lalaki ug sa kalit nga gitutukan siyag pusil sa mga suspetsado dungan sa pagdeklara og tulis.
Wa nay nahimo pa ang biktima matud niya tungod sa ka nerbyos, iyaha na lamang nga gitunol sa iyahang bag nga maoy gisudlan sa iyahang salapi ug mga dokumento, dayong misibat ang mga suspek sa wa hisayring lugar sakay sa duha ka *xrm mc color blue and black* ug usa ka *Kawasaki bajaj mc* nga pulos walay mga plate number.
Mukabat sa P10, 000.00 ang salaping nakuha sa mga suspetsado kauban ang mga importanteng dokumento sama sa SSS ID, Pawnshop receipt, duha ka driver’s license ug voter’s ID.
Sa pagkakaron padayon ang gihimong imbistigasyon sa mga awtoridad sa Polomolok kalabut sa maong insidente.( Joan Gubalani -Intern)
